Zer egiten dugu

Gune ireki bat da herritarrendako, erakundeendako eta instituzioendako, informazioa eta aholkularitza jasotzeko, eta garapenerako lankidetzari eta hezkuntzari lotutako kontu orotan elkarlanean aritzeko: dirulaguntza-deialdiak, tokiko eta nazioarteko boluntariotza, elkartegintza, prestakuntza, laguntza humanitarioa, hezkuntza materialak, etab.

Eragin Politikorako eta Sareetarako Arloak Nafarroako Gobernuaren eta Toki Entitateen Garapenerako Nazioarteko Politikak aztertzen ditu, jarduketak hobetzen laguntzeko; era berean, estatu politikaren jarraipena egiten dugu Koordinakunde Autonomikoen Taldearekiko sare lanaren bidez.

Koordinakundeko Eragin Sozialeko eta Komunikazioko arloaren helburuak dira, besteak beste: informazio iturria izatea, Koordinakundea eta GGKEen lana ezagutzera ematea, bai eta gurekin sare lanean ari diren gizarte mugimenduen lanaren berri ematea ere.

Herritartasun globalerako hezkuntza eraldatzailea hezkuntza-prozesu bat da eta munduan diren desberdinkeriez jakitun eta haren zergatiez kritikoak diren herritarrak sustatzen ditu, bai eta garapen bidezkoagoa, gizatiarragoa eta jasangarriagoa eraikitzearekin konprometituak dauden herritarrak ere.