Herritartasun Globalerako Hezkuntza Eraldatzailea hezkuntza-prozesu bat da, kontzientzia har dezagun aberastasuna eta boterea banatzeko orduan maila globalean diren desberdintasunez, haien zergatiez eta ondorioez; horrekin batera, elkartasunezko eta konpromiso sozialerako jarrerak sustatzen ditu mundu bidezkoagoa eta jasangarriagoa lortze aldera.

Programa, Nafarroako GGKEen Koordinakundeak eta hainbat GGKEk kudeatua, Nafarroako Gobernuko bi Departamendurekin koordinatzen da: Eskubide Sozialetako Departamentuarekin (Garapenerako Lankidetzaren eta Ekintza Humanitarioaren Atala) eta Hezkuntza Departamentuarekin (Prestakuntza Programetako Bulegoa).

Elkartasun Eskola ikastetxea izan nahi baduzu, jarri harremanetan GGKEen Koordinakundeko idazkaritza teknikoarekin: educacion@congdnavarra.org. GGKE bat izanen duzu eskura, ikasgelan justizia globalerako hezkuntza eraldatzailea sartzen laguntzeko, prestakuntza emanez eta hezkuntza-materialaren bidez. Gainera, nahi baduzu, Hezkuntza Departamenduaren dirulaguntza eta prestakuntza-orduak jaso ahalko dituzu.